გამოკვლეულია, რომ მსოფლიოში, სამწუხაროდ,
მილიარდობით ადამიანი ეწევა. დადგენილია, რომ ყოველი მესამე ზრდასრული სიგარეტის ტყვეა.
ჯანმრთელობის მსოფლიო ორგანიზაციის მონაცემებით მოწევით განპირობებული დაავადებებით ყოველწლიურად
4 მილიონი ადამიანი კვდება; მათი კვლევით,
20 წელიწადში ეს რიცხვი გაიზრდება და მთელ
მსოფლიოში სიკვდილისა და ინვალიდობის მთავარ მიზეზად სიგარეტი იქცევა.
ცივილიზებულ ქვეყნებში მწეველთა რიცხვი
უფრო და უფრო იკლებს, რაც სხვადასხვა ჯარიმების დაწესებამ განაპირობა. იქნებ ამ ხერხმა ჩვენს ქვეყანაშიც გაჭრას, რომელიც,
რაოდენ გასაკვირიც არ უნდა იყოს, ,,ევროპის ერთ–ერთ ყველაზე მწეველ სახელმწიფოდ ითვლება.
აქ მილიონ შვიდასი ათასი მწეველია, რაც ქვეყნის მოსახლეობის
მესამედზე მეტია. უმძიმესი
ვითარებაა მოზარდებს, განსაკუთრებით––გოგონებს შორის, ბოლო ხუთი წლის განმავლობაში
მწეველთა მაჩვენებელი 9 პროცენტით გაიზარდა. მოზარდთა 42,4 პროცენტი მწეველია“––ასეთია
ინტერნეტში ის ციფრები, რომლებიც ნამდვილად საჭიროებს განგაშის ზარების შემოკვრას.
მოზარდებში მწეველთა რიცხვის ზრდა ძალიან ცუდი ტენდენციაა. ისინი ოჯახისაგან უჩუმრად, მიმალულ ადგილებში ეწევიან.
თბილისში ( ადრე იქ ვსწავლობდი), მე და ჩემმა ჯგუფმა როდესაც გამოვიკითხეთ, თუ რატომ
იწყებდნენ მოწევას ადრეულ ასაკში, უმეტესობამ თქვა, რომ ისინი სხვებს (მათზე დიდებს)
აჰყვნენ, რადგან მათთვის ეს ერთგვარი ,,მოდა“,
ინტერესი იყო. ამით ,,პრესტიჟსაც“ მოიპოვებდნენ თავიანთ ტოლებში.
ვფიქრობ, რომ მეტი ინფორმაცია უნდა მივაწოდოთ
მოზარდებს ამ საწამლავის შესახებ. უნდა გაიგონ, კიდევ ერთხელ, რომ სიგარეტი შეიცავს
ნიკოტინს, რომელიც კლავს (გარკვეული დოზა) ნებისმიერ
ცოცხალ არსებას, საწამლავ –– დარიშხანს;
მისი მოწევა იწვევს სიმსივნეებს, ინსულტს, სხვადასხვა პათოლოგიას ორგანიზმში; ერთი
ღერი სიგარეტი სიცოცხლეს ამცირებს 7 წუთით; თამბაქოს მიზეზით მსოფლიოში წელიწადში
3–4 მილიონი ადამიანი კვდება...
ხშირად ისეც ხდება, რომ ორსული ქალები ეწევიან, რაც ბავშვისათვის
უდიდეს საშიშროებას წარმოადგენს...
ჩემი აზრით, ყველა უნდა შეეცადოს სიგარეტის გადაგდებას,
მითუმეტეს ყველა კოლოფზე ისეთი რამ აწერია (,,მოწევა იწვევს ნაადრევ სიკვდილს“, ,,მწეველები
კვდებიან ადრე“, ,,მოწევა იწვევს გულის დაავადებებს“ და ა.შ.), რის გამოც ადამიანს
სურვილი უნდა დაეკარგოს მისი მოწევისა.
რაც ნაკლები იქნება მწეველი საზოგადოებაში,
მით უფრო შემცირდება მოზარდთა ინტერესი ამ საშინელებისადმი და კაცობრიობის გადარჩენის საქმეშიც
ერთი დიდი ნაბიჯი გადაიდგმება!
თურმე, ათჯერ ღრმა ჩასუნთქვა ერთ სიგარეტს
ცვლის; ვარჯიში შველის ამ მავნე ჩვევის აღმოფხვრას; არსებობს მრავალი საშუალება მისადმი
ფსიქოლოგიური დამოკიდებულების დასაძლევად.
სცადე! იქნებ გამოგივიდეს!
გადაარჩინე საკუთარი თავი და გარშემომყოფები!
წერილის ავტორი: VIIა კლასის მოსწავლე
ავთანდილ ობოლაძე
